الـــديــــوان الجنــــوبــــــــــي

قال الشعيبي كلامي عندكم معذور****لوهاجس الشعر بثّا كامل التصوير
ماقصدنا الا كلام الصدق للجمهور****كلام صادق خلي من لهجه التزوير
باقولها جهر لو من تحتها محظـور****واصبح مقيد ولوذوق المعسّل قير
انا انفصالي ورافض حكمكم ياعور****انا انفصالي وبعلن ثورة التحرير
بارجّع الاُم والست البنات الحور****واتلي عليكم بسورة قاف والتكوير
واتلي من القارعه والغاشيه والنور****ساعة لكم با يقع من ارضنا تزفير
برّع وبرّع كفى خيبتم الجمهور****بالعُنف برّع وهذا الفرض والتقرير
تزفير واجب لكم من ارضنا طابور****محلّكم في بلاد الفُرس او كشمير
بارجعش ياعدن من قبضة المغرور****يامن بقلبي ملكتي الود والتقدير
باجدد العهد والتاريخ والدستور****وارجّع الارض للتصليح والتطوير
اليوم ياشعبنا بالمدفعيه ثور****هاجم وراجم ودمّر خصمنا تدمير
مادام والقبر جاهز للعدا محفور**** لاترحم الخصم شعلل نارها والكير
حتى ولو يهجموا بالميج والفسفور**** لا تنحني ياجنوب العز للشرير
دمّك لأرضك فدا يا شعبنا المقهور****دمّك لأرضك ولا تقبل بها تسعير
ثوره على المرتشي والسارق الثرثور****ثوره تفجر قوَاة الشرعيه تفجير
ثوره يضلي اسمها بالقايمه مذكور****عبره لمن ما أخذ من درسنا تعبير
مادام والوحده العورا بلا دكتور****ما منّها الا خراب الشعب والتخدير
الأسم حالي ، ولكن ساسها مكسور****منظر مُزيّن وفيها لوح للتحذير
جارة عليها عصابة شاهدين الزور****أهل المصايب وأهل اللف والتدوير
بلوه بُلينا اسف في بُكمهُم والصور****ذي يلعبوا عاليمن بالطبل والتزمير
في ماحصل هم سبب لوضعنا المعكور**** والسبّ هوه سبّهم لاشي حصل تشطير
يشتوني اصبر وضلّي خلفهم مأمور****ساكت على ظلمهم والصد والتأمير
ماليوم صبري نفذ شاهر ابو ناظور****ماعاد باكرر التحذير والتنذير
قد قالها (ابن اليزيدي) الشاعر المشهور****لانا معاكم ولانا خلفكم باسير
لا تحسبون الجنوبي يا هفل مأسور****عاد الجنوبي مشمّر بالسما ليطير
لا تحسبون القضيه أسمها مقبور****او تحسبون القضيه مالها تفسير
عاد القضيه خبرها بالصحف منشور****والشعب عامل لها بالحس والتفكير
دام الجنوبي لكم كالعظم في الحنجور****باتخرجوا منها بالكرف والتهفير